gan
mallt ladd-lewis
Colbo am gacennau
Yn sicr, bu Bore Coffi Macmillan Ysgol Bro Teifi yn llwyddiant enfawr. Ni fyddai wedi bod yn llwyddiant heb gyd-weithrediad y chweched a brwdfrydedd pob un a ddaeth i gefnogi, felly rhaid i mi ddiolch i bawb a gymerodd rhan yn y digwyddiad.
Cynhaliwyd y Bore Coffi ar waelod Bloc D yr ysgol ac yn yr ystafell goginio. Pleser oedd gweld nifer o ddisgyblion ac athrawon yr ysgol yn mwynhau’r holl gacennau a melysion blasus a baratowyd er mwyn sicrhau cyfanswm teilwng o arian i gefnogi’r elusen haeddiannol. Braf yw cyhoeddi codwyd £542.96 rhwng yr holl gyfraniadau a’r raffl!
Diolch i bawb oedd ynghlwm â’r digwyddiad a diolch am y gefnogaeth hael.