gan
Sioned Davies
Ar ôl saib mawr dros yr Haf, roedd tîm hoci Castell Newydd Emlyn nôl yn chwarae adref yng Nghrymych, gan groesawi trydydd tîm Abertawe am gêm gyntaf y tymor. Roedd y tîm yn awyddus i gipio’r fuddugoliaeth gyntaf.
Abertawe oedd yn dechrau’r gêm, yn dangos cyflymder a dwysedd uchel o’r chwiban gyntaf. Cafodd y canolwyr dasg a hanner yn dilyn ac ail ennill y meddiant, ond roedd Rosie Hughes, Mel Williams, Alaw Elisa, Flo Plant ac Izzy Yates wedi llwyddo i arafu eu chwarae ar sawl adeg.
Roedd yr amddiffynwyr, fel arfer wedi perfformio taclau cryf yn erbyn gwaith ffon greadigol Abertawe, ac roedd rhaid rhoi clod i Lois Davies, Ellie Lloyd, Ffion Davies, Caryl-Haf Lloyd a Lowri Llewellyn. Roedd peli drwodd yn cyrraedd yr ymosodwyr ac roeddd Abertawe wedi llwyddo ennill y gôl gyntaf o’r gêm. Daw’r chwiban hanner amser yn gyflym wedi’r gôl gyntaf.
Roedd yn rhaid i Emlyn godi’r dwysedd yn yr ail hanner os oeddent am aros yn y gêm, a ddaeth y dwysedd yn y llinell flaen. Daw pasio gwych rhwng Enfys Davies a Sara Patterson o’r bas cyntaf, a oedd yn golygu ennill tir tuag at y cylch ymosodol. Gyda chroesiad o Mel Williams, llwyddodd Enfys Davies i daro’r bêl mewn i gornel y gôl er mwyn dod a’r sgôr nol yn gyfartal.
Roedd y tîm oddi cartref wedi cadw’r momentwm ac wedi llwyddo sgorio ail a’r trydedd gôl yn sydyn ar ôl ei gilydd. Roedd gan Emlyn waith caled o’u blaenau I gadw’r sgôr yn agos, daeth gwaith cryf o’r amddifynnwyr a’r asgellwyr gan wneud gwagle yn rheolaidd a chysylltu’n gryf gyda’r ymosodwyr Emily Barber, Sara Patterson, Enfys Davies a Sioned Fflur a oedd yn gwneud y gorau o’r gwagle. Gyda thua deg munud yn weddill o’r gêm, sgoriodd Abertawe eu gôl olaf i wneud y sgôr yn 1-4.
Cafwyd chwarae cryf ar yr asgell dde drwy waith Flo Plant a Sioned Davies gan eto llwyddo i ddefnyddio eu cyflymder i gyrraedd y cylch ymosodol. O ganlyniad llwyddodd Enfys Davies i gael yr ail gôl drwy godi’r bêl dros ben y gôl-geidwad gan ddod â’r sgôr i 2-4. Yn sydyn iawn, daeth y gêm I ben yn golygu llwyddodd y tîm ifanc o Abertawe gymryd y tri phwynt.
Flo Plant oedd yn serenni yng nghanol y cae trwy gydol y gêm gan redeg yn gryf lawr yr asgell dde I gyrraedd y cylch ymosodol dro ar ôl tro. O ganlyniad i hyn, Flo wnaeth dderbyn chwaraewraig y gêm. Yn ogystal â hyn, buodd Elin Williams yn brysur iawn yn y gôl yn gwneud safiadau arbennig, gwnaeth hyn argraff ar y capteiniaid ac wedi penderfynu rhoi eu chwaraewraig y gêm i’r gôl-geidwad.
Hoffai’r tîm ddiolch I Bois y Mowo a Llaeth Tyhen am noddi’r gêm. Bydd y menywod yn chwarae bant penwythnos nesaf yn erbyn Meddygon Caerdydd.